Millimizdən tarixi oyun - Ya tamam, ya davam
Kolumbiyada təşkil olunan futzal üzrə dünya çempionatında bu gecə qrup mərhələsi başa çatacaq.
Faktor.az-ın məlumatına görə, Azərbaycan yığması qrupdakı son görüşündə İranla qarşılaşacaq. Asiya çempionu ilə matç futzalçılarımız üçün həlledici önəm daşıyır.
2 turdan sonra qrup ikincisi olan yığmamızı İranla oyunda heç-heçə də qane edir. Rəqibinə uduzmayacağı halda, millimiz tarixi uğura imza ataraq qrup ikincisi kimi 1/8 finala yüksələcək. Bu mərhələdə yığmamızın rəqibi Tailand olacaq.
İrana uduzacağı halda isə futzalçılarımız qrup üçüncüsü kimi 1/8 finala yüksələ bilərlər. Lakin bu zaman millimiz daha güclü rəqib, ya Braziliya, ya da İtaliya ilə görüşəcək.
DÇ-2016 Futzal
Qrup mərhələsi
3-cü tur
03:00 Azərbaycan - İran
Hakimlər: Sezar Malaqa (Peru), Kristofer Sinkleyir (Yeni Zelandiya), Alessandro Malfer (İtaliya)
