200-ə yaxın şəxsə müxtəlif xidmətlər göstərilir
Sosial Xidmətlər Agentliyinin Bakı Reabilitasiya Mərkəzinə mediatur təşkil edilib.
Media nümayəndələri Mərkəzdə yaradılan şəraitlə, göstərilən xidmətlərlə və burada tətbiq olunan fizioterapevtik prosedurlarla yaxından tanış olublar.
Bildirilib ki, Mərkəzdə əlilliyi olan şəxslər stasionar, ambulator, icma əsaslı, səyyar xidmətlərə, eləcə də hippoterapiya və sosial-psixoloji dəstək tədbirlərinə cəlb edilirlər.
Hazırda Mərkəzdə 200-ə yaxın şəxsə müxtəlif xidmətlər göstərilir.
