Tural Mustafayevin doğum günüdür
Bu gün tanınmış iş adamı Tural Mustafayevin doğum günüdür.
FaktorNews xatırladır ki, Tural Mirəli oğlu Mustafayev 14 avqust 1984-cü ildə Şəki şəhərində anadan olub. 2001-ci ildə Şəki şəhəri Fizika-Riyaziyyat və Humanitar təmayüllü litseyini, 2005-ci ildə isə Azərbaycan Dövlət İqtisad Universitetinin Kommersiya fakültəsini bitirib.
Əmək fəaliyyətinə 2006-cı ildə şəxsi bizneslə başlayan Tural Mustafayev, 16 fevral 2017-ci il tarixində “Marsol” MMC-ni təsis edib və bu günədək şirkətə rəhbərlik edir. O, eyni zamanda KOBİA yanında İctimai Şuranın üzvü, “İş adamları Cəmiyyətinin Milli Assosiasiyası” ictimai birliyinin idarə heyətinin sədridir.
Tural Mustafayev Swiss Montreux Business School-da “Master in Strategic Management” ixtisası üzrə magistr dərəcəsinə sahibdir. Həmçinin International Science and Technology University tərəfindən fəxri doktor elmi dərəcəsi ilə təltif olunub.
