Universitet-məktəb əməkdaşlığı çərçivəsində paytaxt məktəblərində görüşlər keçirilib
Azərbaycan Texniki Universitetinin (AzTU) Maşın dizaynı, mexatronika və sənaye texnologiyaları kafedrasının əməkdaşları Bakı şəhərinin 5, 28, 53, 102, 113, 144, 158 və 307 nömrəli tam orta ümumtəhsil məktəblərində abituriyentlərlə görüşüblər. Abituriyentlərə AzTU-nun fakültələri, ixtisasları, ikili diplom proqramları, beynəlxalq əlaqələri, yeni layihələri və kampus imkanları barədə ətraflı məlumat verilib.
Görüşlər zamanı məktəbliləri maraqlandıran suallar ətraflı cavablandırılıb.
