ANAMA işə qəbul elan edir
Azərbaycan Respublikasının Minatəmizləmə Agentliyi (ANAMA) Aparatın Satınalmalar və müqavilələrin icrasına nəzarət şöbəsinin böyük mütəxəssisi vəzifəsində işləmək istəyənlər üçün sənədlərin qəbulunu elan edir.
Bu barədə Faktor.az-a ANAMA-nın mətbuat xidmətindən məlumat verilib.
Bildirilib ki, vəzifənin tutulması şərtləri aşağıdakılardan ibarətdir:
Təhsili: ali;
İxtisası: maliyyə, iqtisadiyyat və idarəetmə, mühasibat uçotu və audit;
İş stajı: müvafiq sahə üzrə azı 2 il iş stajı;
Nəzəri bilikləri: “Dövlət satınalmaları haqqında” Azərbaycan Respublikasının Qanunu və dövlət satınalmalarına dair digər normativ hüquqi aktlar;
Kompüter və proqram təminatı üzrə bilikləri: MS Windows, MS Office (Word, Excel, Power Point), dövlət satınalmalarının vahid internet portalı, internet (yüksək səviyyədə);
Xarici dil bilikləri: İngilis dili (yüksək səviyyədə) və rus dili (orta səviyyədə).
Çalışdığı müddət ərzində işçiyə səmərəli fəaliyyətinə görə mükafatların verilməsi nəzərdə tutulub.
Maraqlananlar əlaqə telefonunu göstərməklə aşağıdakı sənədləri [email protected] ünvanına göndərməlidir:
- müvafiq vəzifəyə sənədlərin təqdim olunmasına dair ərizə;
- şəxsiyyət vəsiqəsinin surəti;
- təhsilə dair sənədlərin surəti (attestat, diplom, sertifikat, arayış və s.);
- əmək kitabçasının surəti.
Sənəd qəbulu cari ilin 20 iyul tarixinədək həyata keçiriləcək.
Əlavə məlumat üçün “805” qaynar xəttinə müraciət edilə bilər.
