Dövlət qulluqçuları üçün tədbir keçirilib
Səfərbərlik və Hərbi Xidmətə Çağırış üzrə Dövlət Xidmətində “Dövlət qulluqçularının etik davranış qaydaları” mövzusunda təlim təşkil olunub. Tədbir dövlət qulluqçularının, xüsusilə də dövlət qulluğuna yeni qəbul olunan şəxslərin etik davranış qaydaları sahəsində bilik və bacarıqlarının inkişaf etdirilməsi məqsədi ilə keçirilib.
Tədbirdə dövlət orqanlarının və dövlət qulluğunun nüfuzunun artırılması, dövlət orqanlarının fəaliyyətində şəffaflıq, vətəndaşlarla ünsiyyət zamanı münasibətlərin düzgün tənzimlənməsi, dövlət qulluqçularının vəzifələri, vicdanlı davranış, loyallıq, ictimai etimad barədə ətraflı məlumat verilib.
Məruzəçilər Xidmətdə səmərəli fəaliyyətin həmçinin, dövlət qulluqçularının yüksək peşəkarlığından və onların vəzifə borclarını məsuliyyətlə yerinə yetirməsindən asılı olduğunu qeyd ediblər. Sonda Xidmətdə korrupsiyaya qarşı mübarizə sahəsində görülən məqsədyönlü tədbirlər iştirakçıların diqqətinə çatdırılıb, antikorrupsiya davranış modelinin formalaşdırılması istiqamətində effektiv mexanizmlərin tətbiqindən danışılıb.
