Bakı Ali Neft Məktəbinin komandası “Teknofest-2024”ün qalibi oldu
SOCAR-ın Bakı Ali Neft Məktəbinin (BANM) “Bhosware” komandası “Teknofest-2024”ün qalibi olub.
Komanda Türkiyənin Antalya şəhərində keçirilən festivalda “Hackmasters” kateqoriyası üzrə keçirilən CTF yarışında I yerə layiq görülüb.
Komandanın elmi rəhbəri, İnformasiya texnologiyaları kafedrasının müəllimi Nihat Əlili, üzvləri isə İnformasiya təhlükəsizliyi ixtisasının V kurs tələbələri Əli Məhərrəmli, Məhəmmədcan Məhəmmədcanov, Sahib Hümbətzadə və Oqtay Əhmədovdur.
Komanda 180 000 TL dəyərində pul mükafatına layiq görülüb. Mükafatlandırma mərasimi oktyabr ayında Adanada baş tutacaq.
Təmsilçilərimiz qeydiyyatdan keçmiş 1000-ə yaxın komanda arasından seçilərək finala yüksələn 10 komanda içərisində qələbəni təmin etməyi bacarıblar.
Təbrik edir, qürur duyuruq!
