"Yüksəliş" müsabiqəsinin qalibləri ilə görüş keçirilib
Sentyabrın 4-də Dövlət Gömrük Komitəsi sədrinin müavini, gömrük xidməti general-mayoru Güloğlan Muradlı Mentorluq Proqramı çərçivəsində beşinci "Yüksəliş" müsabiqəsinin qalibləri Fərid Hüseynov və İrşad Əsgərxanlı ilə görüş keçirib.
Görüşdə ölkəmizdə gənc kadrların fərdi inkişafına və peşəkarlığının artırılmasına yaradılan imkanlardan bəhs edilib, onların idarəçilik bacarıqlarının formalaşması və təkmilləşdirilməsində “Yüksəliş” müsabiqəsinin mühüm rol oynadığı vurğulanıb.
Həmçinin görüş zamanı fərdi inkişaf planları, gələcək fəaliyyət istiqamətləri barədə fikir mübadiləsi aparılıb.
