ASCO-nun bərələri ilə sərnişin daşımalarında artım qeydə alınıb
AZCON Holding şirkətlərindən olan ASCO-nun bərələri ilə 2026-cı ilin yanvar–iyul ayları ərzində 16 010 nəfər sərnişin daşınıb.
Bu, ötən ilin müvafiq dövrü ilə müqayisədə 7,3% artım deməkdir. Belə ki, 2025-ci ilin yanvar–iyul aylarında daşınan sərnişinlərin sayı 14 919 nəfər olub.
Bu ilin iyul ayı üzrə sərnişin daşınması isə keçən ilin eyni dövrü ilə müqayisədə 30,7% artıb. Ötən ay ASCO-nun bərələri ilə 2 791 nəfər sərnişin daşınıb. 2025-ci ilin iyulunda bu rəqəm 2 136 olub.
