Azərbaycan iqtisadiyyatına ən çox investisiya yatıran ölkələrin adları açıqlanıb
Bu ilin yanvar-mart aylarında ölkənin neft-qaz sektoruna 1037,7 milyon manatlıq investisiya yönəldilib. Dövlət Statistika Komitəsinin hesabatına əsasən, qeyri-neft-qaz sektorunun inkişafına sərf edilən 2 430,0 milyon manatlıq investisiyanın 528,9 milyon manatı (ümumi sərmayənin 15,3 faizi) qeyri-neft-qaz sənayesi sektorunda istifadə edilib.
Cari ilin ilk rübündə xarici ölkələr və beynəlxalq təşkilatların vəsaitləri hesabına əsas kapitala yönəldilən investisiyanın 936,5 milyon manatı Birləşmiş Ərəb Əmirlikləri, Böyük Britaniya və Şimali İrlandiya Birləşmiş Krallığı, Türkiyə, İsveçrə, Rusiya, ABŞ, Yaponiya, İran, Fransa, Macarıstan və Hindistan sərmayədarlarına məxsus olub.
