Çelyabinsk vilayəti Azərbaycanda biznes üçün qapıları açır - FOTOLAR
Azərbaycanın paytaxtındakı Çelyabinsk Vilayətinin Sərgi Pavilyonu – Azərbaycan Respublikasının iş adamları üçün Cənubi Ural müəssisələri – metallurgiya, maşınqayırma, xammal hasilatı və ağır tikinti texnikası mərkəzi ilə qarşılıqlı faydalı əməkdaşlığın qurulması üçün unikal imkandır. Geniş çeşidli sənaye istehsal müəssisələri yüksək keyfiyyətli məhsulların istehsalına imkan yaradan qabaqcıl texnologiyalarla təchiz edilmişdir. Bakıda yerləşən Çelyabinsk Vilayətinin Sərgi Pavilyonu iki regionun iş adamları arasında birbaşa dialoq və tərəfdaşlıq əlaqələrinin qurulması üçün effektiv platformadır.
Çelyabinsk vilayəti şirkətlərinin iyul və avqust aylarında baş tutan işgüzar səfərləri Azərbaycan Respublikası ilə Rusiya Federasiyasının müəssisələri arasında əməkdaşlığın inkişafı üçün böyük potensialı nümayiş etdirdi. Tədbirlər çərçivəsində Azərbaycanın ən böyük tərəfdaşları ilə yetmişdən çox görüş keçirilmişdir ki, bu da hər iki tərəf üçün faydalı olan bir sıra müqavilələrin imzalanmasına və, daha önəmlisi, iki ölkənin nümayəndələri arasında canlı təcrübə mübadiləsinə səbəb olmuşdur. Azərbaycan bazarında biznesin aparılması məsələlərinə, o cümlədən uzunmüddətli biznes əlaqələrinin qurulmasına strateji yanaşmalara xüsusi diqqət yetirilmişdir.
Çelyabinsk Vilayətinin Sərgi Pavilyonu Azərbaycan bazarında Rusiyaya məxsus mal və xidmətlərin axtarışı və təşviqi üçün “bir pəncərə” kimi effektivliyini artıq sübut etmişdir. Sərgi Pavilyonunun mütəxəssisləri danışıqların bütün mərhələlərində müəssisələrin nümayəndələrini müşayiət edir, görüşlər təşkil edir, marketinqin təşviqini aparır, həmçinin birgə layihələrin işlənib hazırlanmasına, ixrac əməliyyatlarına və investisiyalara dəstək fəal verirlər. Pavilyon ərazisində keçirilən dəyirmi masalar və vebinarlar çərçivəsində sahibkarlar Rusiya və Azərbaycanda biznesin aparılmasının xüsusiyyətləri barədə ekspert məsləhətləri və məlumat ala bilərlər.
Çelyabinsk və Azərbaycan şirkətləri arasında uğurlu əməkdaşlıq təcrübəsi regionlar arasında qarşılıqlı iqtisadi fəaliyyətin perspektivlərini nümayiş etdirir. Çelyabinsk vilayəti nümayəndə heyətinin Bakıya səfəri mühüm müqavilələrin bağlanmasına töhfə verdi ki, bu da azərbaycanlı tərəfdaşların Rusiya istehsalı olan məhsullara marağının sübutudur.
Hazırda Çelyabinsk Vilayətinin Sərgi Pavilyonu öz işini davam etdirir və azərbaycanlı iş adamlarını işgüzar səfərlər çərçivəsində əməkdaşlığa dəvət edir. Pavilyonun qonaqları nəinki Rusiya şirkətlərinin təklifləri ilə tanış ola, həm də konsaltinq xidmətlərindən yararlana və Çelyabinsk müəssisələrinin nümayəndələri ilə şəxsi görüşlər təşkil edə bilərlər.
Rusiya şirkətlərinin təklifləri və pavilyonda gözlənilən biznes tədbirləri haqqında aktual informasiya əldə etmək üçün biznes sektorunda ən son xəbərlərin və trendlərin yer aldığı https://t.me/torgpred74_az rəsmi Telegram kanalına abunə olmağı tövsiyə edirik. Bundan əlavə, https://tp74.az/ru saytında əməkdaşlıq üçün müraciət edə və Çelyabinsk şirkətləri ilə işləməyin üstünlükləri, onların xidmətləri, məhsulları və fəaliyyətlərinin xüsusiyyətləri haqqında ətraflı məlumat əldə edə bilərsiniz.
Bakıdakı Çelyabinsk Vilayətinin Sərgi Pavilyonu bazarda öz mövqelərini möhkəmləndirmək və Rusiya şirkətləri ilə uzunmüddətli işgüzar əlaqələr qurmaq arzu edən Azərbaycan Respublikasının sahibkarları üçün etibarlı tərəfdaşdır.
Əlaqə məlumatları:
Sərgi pavilyonu:
Ünvan: Bakı şəhəri, Nəsimi r-nu, küç. Kövkəb Səfərəliyeva, 64
Telefon: + 994 77 677 2223
Veb sayt: https://tp74.az/
E-poçt: [email protected]
“Çelyabinsk Vilayətinin Beynəlxalq Əməkdaşlıq Agentliyi” AQKT
Ünvan: Çelyabinsk şəhəri, Lenin prospekti, 57
Telefon: +7 (351) 223-56-23
Veb sayt: www.ica74.com
E-poçt: [email protected]
