ASCO-nun gənc əməkdaşı mükafat alıb
"Azərbaycan Xəzər Dəniz Gəmiçiliyi" QSC-nin (ASCO) "Zığ" Gəmi Təmiri və Tikintisi Zavodunun Texniki nəzarət şöbəsinin usta köməkçisi Araz İslamov Azərbaycan Həmkarlar İttifaqları Konfederasiyasının (AHİK) hər il müəssisələrdaxili apardığı stimullaşdırıcı seçimlərə əsasən “İlin peşəkar gənci” nominasıyasında qalib adına layiq görülüb.
Qeyd edək ki, Araz İslamov Azərbaycanın 44 günlük Vətən müharibəsinin qəhrəmanlarındandır. Döyüşlərdə rəşadəti ilə seçilən qazi 2020-ci ildə Azərbaycan Respublikası Prezidentinin sərəncamı ilə “Suqovuşanın azad olunmasına görə" medalı ilə təltif edilib.
