Cinque Terre - dən ilhamlanan - ROLLS-ROYCE PHANTOM
Rolls-Royce Motor Cars böyük məmnuniyyətlə Cinque Terre-dən ilham alan Phantom avtomobilini təqdim edir - bu, İtalyan Rivierasının füsunkar cazibəsini və valehedici üzümçülük irsini özündə cəmləşdirən möhtəşəm, xüsusi sifarişli avtomobildir.
Cinque Terre - italyanca "Beş Torpaq" anlamını verir – ölkənin şimalında Liguria bölgəsinin sahilində yerləşir. Uçurumun kənarında yerləşən
Monterosso, Vernazza, Corniglia, Manarola və Riomaggiore kimi çoxəsrlik balıqçı kəndləri Aralıq dənizinə baxan sıldırımlı üzüm bağları ilə dünyaca məşhurdur - şərabçılıq dünyasında əsl möcüzə.
Bölgənin heyrətamiz üzüm bağları bu müstəsna avtomobildə mürəkkəb Bespoke xüsusiyyətləri ilə qeyd olunur. Dərin və zəngin “Ligurian Blue” ilə tamamlanan eksteryer, daha da zərif üzüm motivi ilə “Navy Blue” və “Jasmine” rənglərində əl ilə tətbiq olunan ikiqat avtomobil xətti ilə vurğulanıb.
“Grace White” və “Navy Blue” dərisini “Jasmine” aksentləri ilə birləşdirən zamansız interyer arxa qapılarda üzüm budağının zərif tikmələri ilə işlənib. Hər bir parça iki fərqli texnikadan istifadə etməklə hazırlanmış 9215 tikişdən ibarətdir. Üzümlər atlaz tikişlə tikilir, saplar işığın səthə dəydiyi bucaqla uyğun olaraq diqqətlə düzülür və hər bir üzümə canlı ton və parlaq keyfiyyət verir. Üzüm yarpağı üçün Bespoke kollektivi daha düz tatami tikişindən istifadə etdi ki, bu da səth kontrastını təmin edir və tikmənin toxunma keyfiyyətlərini artırır.
Üzüm motivi həm də hər iki piknik masasında paslanmayan poladdan və qızılı üzlüklə hazırlanmış mürəkkəb naxışda təsvir edilmişdir. Səthlər ilk olaraq “Milori Blue” boyası ilə incə şəkildə rənglənmək ilə, rəng dərinliyi və canlılıq vermişdir. Sonra, nişanlar əl ilə dəqiq şəkildə tətbiq olundu və şəffaf lak ilə tamamlandı. Nəhayət, hamar, qüsursuz bir dizayn əldə etmək üçün səth diqqətlə cilalanmışdır.
“Bespoke Starlight” tavanının yuxarı hissəsində 14,338 fərdi tikişlə işlənmiş İtaliya xəritəsi var. Sahil xəttinin kənarında əl ilə dəqiq şəkildə yerləşdirilmiş beş parlayan ulduz Cinque Terre kəndlərini simvollaşdırır. Dizaynın başa çatdırılması bir aydan çox zaman aldı, Bespoke kollektivi tikişin optimal xətt çəkisini müəyyən etmək üçün çoxsaylı nümunələr istehsal etdi: ipin parıldamasına imkan verəcək qədər geniş, lakin xəritənin bütün konturunu dəqiq və mükəmməl detallarla göstərmək üçün kifayət qədər incə.
Avtomobilin geniş panelində Cinque Terre-nin rənglərini, memarlığını və canlı xarakterini əks etdirən möhtəşəm, xüsusi sifarişli sənət əsəri var. Uçurum kənarındakı beş kəndin hamısının elementlərinin xəyali birləşməsini təmsil edən kompozisiya əvvəlcə rəqəmsal olaraq eskiz edildi, sonra inanılmaz dərəcədə yüksək səviyyəyə çatmaq üçün su əsaslı akril boyadan istifadə edilməklə əl ilə fırçalandı və sonar isə bir neçə qat şəffaf lak ilə tamamlandı. Rəsmin əsas elementləri qalereyada diqqətlə yerləşdirilib ki, onların incə detalları avtomobildə olan bütün sərnişinlər tərəfindən asanlıqla görülə bilsin.
Son toxunuş isə beş kəndi təsvir edən gümüşdən hazırlanmış əlcək bölməsinin içərisindədir.
Phantom “Inspired by Cinque Terre” müştərinin kolleksiyasında öz yerini tutdu. Əsl xüsusi sifariş olaraq, heç vaxt təkrarlanmayacaq.
