AİKTSA-nın Rəqəmsal Sığorta Komitəsi yaradıldı

Hit: 967
AİKTSA-nın Rəqəmsal Sığorta Komitəsi yaradıldı
Qloballaşma prosesinin geniş vüsət aldığı müasir dövrdə informasiya texnologiyaları (İT) sektoru da sürətlə inkişaf etməkdədir. İnsanların internetə çıxış imkanlarının artması və informasiya texnologiyalarının istifadə dairəsinin genişlənməsi İT sektorunu təmsil edən müəssisə və təşkilatların təqdim etdiyi xidmətlərin keyfiyyətinin də artırılmasını şərtləndirir.
 
Beynəlxalq təşkilatlar müasir dövrün tələblərinə adekvat olaraq, informasiya texnologiyaları sahəsində fəaliyyət göstərən müəssisə və təşkilatların fəaliyyətinin səmərəliliyinin artırılmasına xidmət edən bir sıra beynəlxalq standartlar işləyib hazırlayıb.
 
Ölkəmizdə də informasiya texnologiyaları sahəsinin inkişafını nəzərə alan Azərbaycan İnformasiya və Kommunikasiya Texnologiyaları Sənayesi Assosiasiyasının (AİKTSA) İdarə Heyətinin sədri Elvin Abbasovun iştirakı ilə Assosiasiyanın Rəqəmsal Sığorta Komitəsinin ilkin iclası keçirilib. İclasda müvafiq sahəyə aid beynəlxalq standartların təbliğinin, yerli İT müəssisələrində tətbiqinin təşviq edilməsinin, mütəmadi olaraq kibertəhlükəsizliyin, kibergigiyenanın, konfidensiallığın təmin olunması və digər istiqamətlərdə maarifləndirmə işlərinin aparılmasının önəmindən bəhs olunub. AİKTSA-nın Rəqəmsal Sığorta Komitəsi yaradılıb və komitənin üzvlərinin (GTSolutions, İNBİT, MaxTexno, iTech Group, Profam Sığorta Agentliyi - www.insure.az saytı, Karmasis Azərbaycan, Dost Sığorta Agenti) rəhbər şəxsləri ilə bu istiqamətdə fikir mübadiləsi aparılıb.
 
Qeyd edək ki, bu yaxınlarda Azərbaycan İnformasiya və Kommunikasiya Texnologiyaları Sənayesi Assosiasiyası və Azərbaycan Sığortaçılar Assosiasiyası arasında memorandum imzalanmışdır. Memorandumda AİKTSA nümayəndələrinin sığortaçılarla görüşlərinin təşkil olunması, İT sahəsində müvafiq təkliflərin təqdim olunması, yeni layihələrdə qarşılıqlı iştirakın təmin edilməsi və s. nəzərdə tutulur.
 
 
AİKTSA-nın Rəqəmsal Sığorta Komitəsinin rəhbəri Nicat Əlibəyli








Redaktorun seçimi