Göz yaşımın kölgəsində sevdim səni!
Dedilər ki, gecdir sevgidən yazma!
Bu lal sevda ilə ovundum axı!
Axan göz yaşımın kölgəsinə mən
Qısılıb ağaladım ovundum axı!
Dünyanın rəngini gözüm bilmişəm,
Gözlərim yol çəkib izin bilmişəm
Özüm ağlamışam özüm gülmüşəm
Ovunub yenidən sevmişəm axı!
Bəxtim taleyimi sınıyan gündən
Ağlım hisslərimi qınıyan gündən
Göz yaşım ömrümü sanayan gündən
Ovunub yenidən sevmişəm axı!
İllərim günləri qınağa çəkdi
Səbrim həsrətimi daramı çəkdi !
Bu ömrə il qatan illərdə gəldi.
Xatirin saçımda ağaran dəndi.
Göz yaşımın kölgəsində sevdim səni!
Azərbaycan Yazıçılar Birliyinin üzvü,
Prezident təqaüdçüsü İradə Əlili
Azərbaycan Yazıçılar Birliyinin üzvü,
Prezident təqaüdçüsü İradə Əlili
