"Avro 2016" 1/4 final - Almaniya, yoxsa İtaliya?
Bu gün Fransada təşkil olunan futbol üzrə Avropa Çempionatında 1/4 final mərhələsinin növbəti oyunu keçiriləcək. Faktor.az-ın məlumatına görə, yarımfinal uğrunda iki Avropa nəhəngi – Almaniya ilə İtaliya mübarizə aparacaqlar.
Turnirin favoritlərindən olan, ancaq çempionat başlayandan yaxşı oyun nümayiş etdirə bilməyən Almaniya millisi yalnız 1/8 finalda Slovakiya ilə oyunda nisbətən rahat qələbə qazanmışdı.
Almanlardan fərqli olaraq yarışdan əvvəl şansları o qədər də yüksək dəyərləndirilməyən İtaliya yığması isə hər kəsi təəccübləndirməyə davam edir. Özünəxas oyun üslubuna malik olan italiyanlar qarşılarına çıxan rəqibləri növbə ilə yolundan kənarlaşdırmağı bacarıb. Antonio Kontenin yetirmələri 1/8 finalda erkən final kimi göstərilən İspaniya ilə matçda da inamlı qələbə qazanıb.
Bu dəfə isə hədəf turnirin daha bir favoritini – son dünya çempionunu məğlub etməkdir.
Avropa çempionatı
1/4 final
2 iyul
23:00. Almaniya – İtaliya
Baş hakim: Viktor Kassai
Yan xətt hakimləri: Qyorqi Rinq, Vençel Töt
Əlavə köməkçi hakimlər: Tamas Boqnar, Adam Farkaş (hamısı Macarıstan)
Dördüncü hakim: Simon Marçinyak
Orxan Hacı