Ruhanidən "Saudi Aramco" açıqlaması: - "Bu, xəbərdarlıqdır"
Səudiyyə Ərəbistanının “Saudi Aramco” zavodlarına PUA-larla olunan hücum xəbərdarlıqdır”.
Faktor.az xəbər verir ki, bunu İran prezidenti Həsən Ruhani deyib.
“Yəmən xalqı Səudiyyə Ərəbistanındakı neft obyektlərinə edilən hücumla bu ölkədə müharibəyə qarışanlara bir xəbərdarlıq etdi. Yəmənlilər xəstəxananı və ya məktəbi vurmadılar, xəbərdarlıq etmək üçün məhz sənaye obyektini vurdular", - Ruhani İRNa xəbər agentliyinə açıqlamasında bildirib.
Qeyd edək ki, ABŞ hücumun arxasında İranın olduğunu iddia edir. Hücumun məsuliyyətini isə Yəmənin Husi üsyançıları öz üzərinə götürüb. 9publik
