169 milyondan çox uşaq qızılcadan sığortalanmayıb
2010-2017-ci illərdə 169 milyon uşağa qızılca əleyhinə peyvəndin vurulmaması müxtəlif ölkələrdə xəstəliyin hazırkı səviyyədə yayılmasına səbəb olub.
Faktor.az “RİA Novosti”yə istinadən xəbər verir ki, bu barədə YUNİSEF-in məlumatında bildirilir. Qeyd edilib ki, hər il 21 milyondan çox uşaq peyvənd olunmayıb.
Bu göstərici ABŞ-da 2 milyon 593 min, Fransada 608 min, Böyük Britaniyada 527 min nəfərdir. Yaşayış səviyyəsi aşağı olan ölkələrdə isə vəziyyət daha pisdir. Belə ki, Nigeriyada 4 milyon, Hindistanda 2,9 milyon, Pakistan və İndoneziyada 1,2 milyon, Efiopiyada isə 1,1 milyon uşaq peyvəndsizdir.
