Konsert zamanı yaranmış basırıq 6 nəfərin ölümü ilə nəticələnib
İtaliyanın Ankona şəhəri yaxınlığında konsert zamanı baş verən basırıq nəticəsində azı 6 nəfər həlak olub, 60-a yaxın insan isə müxtəlif dərəcəli xəsarətlər alıb.
Məlumata görə, Korinaldo şəhərində keçirilən rok-konserti zamanı naməlum şəxsin havaya bibər qazı buraxması tamaşaçılar arasında çaxnaşma yaradıb.
Həkimlər 12 yaralının vəziyyətinin ağır olduğunu bildirirlər.
