Tramp özünə yeni düşmən tapdı
ABŞ prezidenti Donald Tramp özünə yeni tənqid obyekti tapıb.
Oxu.Az xəbər verir ki, ABŞ prezidentinin yeni düşməni, Usama Ben Ladenin ələ keçirilməsi üzrə əməliyyatlara rəhbərlik etmiş, təqaüddə olan admiral Uilyam Mak Reyvendir.
D.Tramp “Fox News” nəşrinə verdiyi müsahibəsində Ben Ladenin əvvəllər də asanlıqla ələ keçirilməsinin mümkün olduğunu və əməliyyatların qəsdən uzadıldığını qeyd edib. Prezidentin bu çıxışı bir sıra qüvvələr tərəfindən tənqidlə qarşılanıb.
ABŞ-ın keçmiş müdafiə naziri Leon Panetta bildirib ki, Tramp ali baş komandan olaraq belə çıxışlarla öz nüfuzuna xələl gətirir.
