Bloqer qız himnə görə həbs edildi - VİDEO
Çinli Yanq Kayli dövlət himnini “təhqir etdiyi” üçün beş günlük həbs cəzasına məhkum edilib.
Oxu.Az xəbər verir ki, bununla bağlı BBC məlumat yayıb.
Eyni zamanda, 20 yaşlı qızın canlı yayımlar həyata keçirdiyi “Huya” servisi də bloklanıb.
Gənc internet ulduzunun sosial şəbəkələrdə 44 milyon izləyicisi var. O, servisdə yayımladığı videoçarxlardan birində dövlət himnini səsləndirib və əlləri ilə dirijorluq edirmiş kimi jestlər edib. Gənc qız buna görə cəzalandırılıb.
İnsidentdən sonra çinli qız üzr istəməli olub və hərəkətlərindən peşman olduğunu bildirib.
