ABŞ-da sərgidə atışma: 20 nəfər yaralanıb - YENİLƏNİB
17:45
ABŞ-ın Nyu-Cersi ştatında "Art All Night" sərgisində baş verən atışma nəticəsində 20 nəfər xəsarət alıb.
Faktor.az Trend-ə istinadən bildirir ki, atəş açan şəxs ölüb. Hadisə Trenton şəhərində yerli vaxtla 03:00-da baş verib.
Merser dairəsinin prokuroru Andjelo Onofri bildirib ki, xəsarət alan 20 nəfərdən 16-ı пüllə yaraları alıb, onlar yerli xəstəxanalara çatdırılıb.
Prokurorun sözlərinə görə, atışmada iştirakına görə şübhəli bilinən daha bir nəfər saxlanılıb. Hadisənin səbəbləri hələlik məlum deyil.
--------
15:35
Bu gün ABŞ-ın Nyu-Cersi ştatının Trenton şəhərində sərgidə atışma olub, bir nəfər ölüb, bir neçə nəfər yaralanıb.
Faktor.az APA-ya istinadən bildirir ki, bu barədə "Trentonian" qəzeti polisə istinadən məlumat yayıb.
Hadisə yerli vaxtla saat 3.00 radələrində 24 saat fəaliyyət göstərən gündəlik sərgidə baş verib. Polis atışma nəticəsində 1 nəfərin öldüyünü təsdiqləyib, yaralıların sayının isə dəqiqləşdirildiyini bildirib. Polis leytenantı Darren Zappli deyib ki, 6, yaxud 7 yaralı ola bilər.
Atışmanın səbəbi məlum deyil. Sərgidə atış açdığı ehtimal olunan bir neçə şübhəli var. Hadisə zamanı sərgidə olan polislər cavab atəşi açıblar.