Naxçıvanda idman bayramı - FOTOLAR
Bu gün 5 Mart - Bədən Tərbiyəsi və İdman Günü Naxçıvan şəhərində təntənəli şəkildə qeyd olunub.
Gənclər və İdman naziri Azad Rəhimov, Milli Olimpiya Komitəsinin vitse prezidenti Çingiz Hüseynzadə və ümumilikdə, 120-yə yaxın nümayəndə heyəti Naxçıvan Muxtar Respublikasına yola düşüb.
Qonaqlar ümummilli lider Heydər Əliyevin abidəsi önünə gül dəstəsi qoyduqdan sonra, Heydər Əliyevin xatirə muzeyini ziyarət ediblər.
Tədbir Naxçıvan Saat Meydanında davam edib. Ilk olaraq rəsmilər idman veteranları ilə görüşüb, onlara hədiyyələr veriblər. Daha sonra Naxçıvan şəhər Saat Meydanında quraşdırılmış muxtar respublikada fəaliyyət göstərən idman federasiyalarının stendləri ilə tanışlıq olub. Federasiya rəsmiləri yeniliklər, qazanılan uğurlar haqqında məlumat verdikdən sonra, yerli idmançılar öz məharətlərini qısa proqramlar vasitəsilə nümayiş etdiriblər.
Bundan sonra Naxçıvan MR Gənclər və İdman naziri Azad Cabbarov və Milli Olimpiya Komitəsinin vitse prezidenti Çingiz Hüseynzadə çıxış edib bildirdilər ki, 25 il əvvəl bu gündə ulu öndər Heydər Əliyev ilk dəfə idman xadimlərini bir araya toplayıb. Bundan sonra cənab İlham Əliyev bu tarixi Sərəncamla rəsmiləşdirdi. Rəsmilər bildirdilər ki, Naxçıvan kimi ulu torpaqda bu bayramı bu gün birgə qeyd etmək ən böyük sevincdir.
Gənclər və idman naziri Azad Rəhimov isə çıxışında bildirib ki, 25 il ərzində Azərbaycan idmançıları Avropa və dünya çempionatlarında 11346 medal qazanıblar. Bunlardan 4081 qızıl, 3254 gümüş, 4008 bürünc medal olub. Sonda 10-a yaxın idman mütəxəssisi fəxri adlar və diplomlarla mükafatlandırıldırlar.
Tədbir konsert proqramı ilə davam edib.
