Millimizin baş məşqçisindən gözlənilməz addım

101 dəfə oxunub
Millimizin baş məşqçisindən gözlənilməz addım

Azərbaycanın sərbəst güləş üzrə milli komandası dünya çempionatının keçirildiyi Qazaxıstanın paytaxtı Nur-Sultana baş məşqçisiz gəlib.

Federasiyadan verilən məlumata görə, Saypula Absaidov mundial öncəsi komandanın sükanını tərk edib. Onun üçün çempionata bilet alınsa da, özü kollektivlə birgə olmaq istəməyib. Absaidovun bu addımının səbəbi məlum deyil. Federasiyanın sərbəst güləş üzrə vitse-prezidenti Firdovsi Umudov dağıstanlı mütəxəssisin addımını şərh etmək istəməyib. O, hazırda dünya çempionatına kökləndiklərini bildirib.

Komanda Nur-Sultana köməkçi-məşqçilər Namiq Abdullayev və Zəlimxan Hüseynovun rəhbərliyi altında gəlib.

Qeyd edək ki, sərbəst güləşçilər dünya çempionatında mübarizəyə sentyabrın 19-da başlayacaqlar (Report).



Redaktorun seçimi