Ronaldonun milyonların marağını çəkdiyi yeni reklamı - VİDEO
Portuqaliya millisinin və “Yuventus”un futbolçusu Kriştiano Ronaldo yeni reklama çəkilib.
Faktor.az xəbər verir ki, bu dəfə o, Sinqapurun onlayn-şoppinq şirkəti olan “Shopee”nin çarxında yer alıb.
Reklamda Ronaldo özünəxas tərzdə cərimə zərbəsindən qol vurub sevinir. Amma bu zaman futbolçunun diqqətini bir məqam çəkir: heç kim onun qolunu və oyununu izləmir. Azarkeşlər bu zaman öz smartfonlarına baxaraq alış-veriş edirlər.
Qeyd edək ki, bu yeni reklam qısa müddətdə böyük maraq doğurub. Yutubda reklamı izləyənlərin sayı 4 milyonu keçib.