"Minsk 2019": Badmintonçumuz 1/8 finalda
Azərbaycan badmintonçusu Ezmi Qovimuramadhoni “Minsk 2019” II Avropa Oyunlarında ikinci oyununu keçirib.
Faktor.az xəbər verir ki, şəxsi yarışlarda G qrupunda mübarizə aparan idmançı Lüksemburq idmançısı Robert Mannla üz-üzə gəlib.
Qarşılaşma Azərbaycan badmintonçusunun 2:0 (21-15,21-18,) hesablı qələbəsi ilə bitib. Bu nəticədən sonra Ezmi 1/8 finala vəsiqəni təmin edib.
Qeyd edək ki, Ezmi Qovimuramadhon sabah rusiyalı Vladimir Malkovla qarşılaşacaq. O, ilk oyununda Rumıniya təmsilçisi Kollins Valentin Filimonu 2:1 hesabı ilə məğlub etmişdi.
