Sarri iki futbolçunu "Yuventus"da istəmir
Mario Mandzukiç və Sami Xedira bu yay "Yuventus"dan ayrıla bilər.
Faktor.az "Corriere dello Sport"a istinadən xəbər verir ki, Turin klubunun yeni baş məşqçisi Maurisio Sarrinin komandadan görmək istəmədiyi futbolçular siyahısında sözügedən oyunçular var. Heyəti gəncləşdirmək istəyən italiyalı mütəxəssis 32 yaşlı Xedira və 33 yaşlı Mandzukiçi komandasında görmək istəmir.
Qeyd edək ki, hər iki futbolçunun klubu ilə müqaviləsinin müddəti 2021-ci ilin yayında başa çatır.
