"Ayaks" baş məşqçisini saxladı
"Ayaks" baş məşqçisi Erik ten Haqla yeni müqavilə imzalayıb.
Faktor.az klubun saytına istinadən xəbər verir ki, hollandiyalı mütəxəssislə müqavilənin müddəti 2022-ci ilin iyununa kimi uzadılıb.
Qeyd edək ki, ten Haq 2017-ci ildən "Ayaks"ı çalışdırır. Onun rəhbərliyi altında komanda ötən mövsüm Hollandiya çempionu olub və ölkə kubokunu qazanıb. "Ayaks" Çempionlar Liqasında isə yarımfinala kimi yüksəlib.