Azərbaycan – Litva: hakim təyinatları açıqlandı
Millimizin Litva ilə yoxlama oyunu üçün hakim təyinatları açıqlanıb.
Faktor.az AFFA-nın saytına istinadən xəbər verir ki, matçı Rumıniya Futbol Federasiyasından Fesnic Horatiu idarə edəcək. Ona həmyerliləri Avram Valentin və Cerei Alexandru köməklik edəcək. Dördüncü hakim funksiyasını azərbaycanlı referi Orxan Məmmədov yerinə yetirəcək.
Qeyd edək ki, “Bakcell Arena”da keçiriləcək Azərbaycan – Litva martın 25-də, saat 18:00-da başlayacaq.
