Pedro Enrike qolla başladı
Qış fasiləsində "Astana"dan ayrılıb, müqavilə ilə məxsus olduğu PAOK-a qayıdan Pedro Enrike təqribən ilyarımlıq fasilədən sonra Saloniki təmsilçisinin heyətində meydana çıxdığı ilk oyunda qol vurub.
Faktor.az xəbər verir ki, braziliyalı yarımmüdafiəçi Yunanıstan Superliqasının 21-ci turunun "Apollon"la səfər oyununda fərqlənib. Görüşün 88-ci dəqiqəsində rəqib qapısına yol tapan 28 yaşlı futbolçu komandasının 5:1 hesablı qələbəsini rəsmiləşdirib.
Qeyd edək ki, Pedro 2017-2018 mövsümündə icarə əsasında "Qarabağ"ın da formasını geyinib.