ÇL-də daha iki oyuna hakim təyinatları
UEFA Çempionlar Liqasının 1/8 final mərhələsinin daha iki oyunu üçün hakim təyinatları açıqlayıb.
Faktor.az qurumun rəsmi saytına istinadən xəbər verir ki, "Şalke" - "Mançester Siti" görüşünü İspaniya Futbol Federasiyasından Karlos del Kerro Qrande idarə edəcək. Ona Xuan Karlos Yuste Ximenes və Roberto Alonso Fernandes köməklik edəcəklər. 4-cü hakim funksiyasını Xose Mariya Sançes Martines yerinə yetirəcək. VAR (videotəkrar) hakimləri isə Alexandro Xose Hernandes və Xuan Martines Munuera olacaqlar.
"Atletiko" - "Yuventus"" görüşü isə almaniyalı hakimlər briqadasına tapşırılıb. Matçın baş hakimi Feliks Zvayer, laysmanlar Torsten Şiffner və Marko Açmüller, 4-cü referi isə Tobias Vels olacaq. VAR sisteminə isə Bastian Dankert və Saşa Stegemann nəzarət edəcək.
Qeyd edək ki, hər iki qarşılaşma fevralın 20-dən 21-nə keçən gecə, Bakı vaxtı ilə saat 00:00-da başlayacaq.