Nigariyalı hücumçu yenidən Azərbaycanda - FOTO
"Səbail" heyətini yeni futbolçu ilə gücləndirib.
Faktor.az klubun rəsmi "Facebook" səhifəsinə istinadən xəbər verir ki, paytaxt təmsilçisi nigeriyalı hücumçu Oke Akpovetanın keçidini həll edib. 27 yaşlı futbolçu ilə bu mövsümün sonuna (mayın 31-dək) kimi müqavilə imzalanıb.
Qeyd edək ki, 2014-cü ildə "Rəvan"ın formasını geyinən Okenin son klubu İsveç "Eskilstuna"sı olub. Afrikalı hücumçu əvvəllər Nigeriyanın "Varri Volves", Danimarkanın "Bröndbi", "Bronşoy", "Linqbi", İsveçin "Fre", "Dalkurd" və "Helsinqborq" klublarında çıxış edib.
