Qanalı yarımmüdafiəçi rəsmən "Barselona"da
"Sassuolo"nun futbolçusu Kevin-Prins Boatenqin "Barselona"ya keçidi rəsmiləşib.
Faktor.az klubun saytına istinadən xəbər verir ki, qanalı yarımmüdafiəçi cari mövsümün sonuna kimi icarə əsasında Kataloniya təmsilçisində çıxış edəcək."Barsa" yayda 8 milyon avro ödəyərək 31 yaşlı oyunçunu birdəfəlik ala biləcək.
İspaniya mətbuatı La Liqa klubunun 2 milyon avro icarə haqqı ödəyəcəyini yazıb.
Qeyd edək ki, Boatenq “Milan”, “Şalke”, “Herta” “Tottenhem”, “Borussiya” (Dortmund) kimi klublarda da çıxış edib. O, bu mövsüm A Seriyasında 13 oyuna 4 qol vurub, 1 məhsuldar ötürmə edib.
