"Barselona"da ciddi itki
La Liqanın lideri "Barselona" ciddi itki ilə üzləşib.
Faktor.az klubun rəsmi saytına istinadən xəbər verir ki, kataloniyalıların yarımmüdafiəçisi Usman Dembele sıradan çıxıb. Çempionatın 20-ci turunun "Leqanes"lə oyununda (3:1) sol ayaq topuğundan zədə alan 21 yaşlı futbolçunun tibbi müayinədən sonra təxminən 15 gün yaşıl meydandalardan kənarda qalacağı məlum olub.
Bu isə o deməkdir ki, fransız yarımmüdafiəçi Kral Kubokunda "Sevilya", La Liqada isə "Jirona" və "Valensiya" ilə oyunları buraxacaq.
