Məşhur şahmatçılarımız ilin ilk yarışında mübarizəyə qoşulur

156 dəfə oxunub
Məşhur şahmatçılarımız ilin ilk yarışında mübarizəyə qoşulur

Azərbaycanın tanınmış şahmatçıları – Şəhriyar Məmmədyarov və Teymur Rəcəbov Niderlandın Veyk aan Zee şəhərində keçirilən ənənəvi turnirdə iştirak edəcək.

Faktor.az Oxu.Az-a istinadən xəbər verir ki, 81-ci Tata Steel Masters və Tata Steel Challengers turniri sabah start götürəcək və 13 turdan ibarət olan yarış yanvarın 27-də başa çatacaq.

Şahmatçılarımızın bu turnirdə rəqibləri dünya çempionu, sözügedən yarışın hamıdan çox – altıqat qalibi Maqnus Karlsen (Norveç), Dinq Liren (Çin), Aniş Qiri, Yorden van Foreest (hər ikisi Niderland), eks dünya çempionu Vladimir Kramnik, rapid üzrə son dünya çempionu Yan Nepomnyaşi, Vladimir Fedoseyev (hər üçü Rusiya), keçmiş dünya çempionu Vişvanatan Anand, Vidit Santoş Qucrati (hər ikisi Hindistan), Yan-Kjıştof Duda (Polşa), Rixard Raport (Macarıstan) və Sem Şanklənd (ABŞ) olacaq.

Tata Steel Challengers-də (növbəti il Masters-ə çıxmaq üçün yarışanlar – S.M.) isə Azərbaycan təmsilçisi olmayacaq.

Qeyd edək ki, ilk 12 tur Bakı vaxtı ilə saat 16:30-da start götürəcək. Yalnız sonuncu tur 15:00-a təsadüf edəcək.



Redaktorun seçimi