"Yuventus" daha bir rekordu yenilədi
"Yuventus" "Böyük beşlik" çempionatlarının rekordunu təkrarlayıb.
Faktor.az xəbər verir ki, Turin təmsilçisi A seriyasının ilk 15 turunda 43 xal toplayıb.
Öz meydanında İnter-ə 1:0 hesabı ilə qalib gələn "ağ-qaralar" bununla da PSJ-nin göstəricisinə şərik çıxıb. Parislilər cari mövsüm Fransa Liqa1-də ilk 15 turda 43 xal yığmışdı.
Avropanın aparıcı çempionatlarının qələbəyə görə 3 xalın verilməsi sisteminə keçdiyi vaxtdan indiyədək bundan yaxşı nəticə göstərən olmayıb.