Daha 3 güləşçimiz tatamiyə çıxdı - dünya çempionatı
Macarıstanın paytaxtı Budapeştdə keçirilən dünya çempionatı davam edir.
Faktor.az xəbər verir ki, dördüncü yarış günündə Azərbaycanın daha 3 qadın güləşçisi mübarizəyə qoşulub.
İrina Netreba ilk görüşündə Peru təmsilçisini üstələyib – 6:2. Daha sonra o, isveçli Xenni Yohansondan güclü olub – 3:1. Güləşçimiz 1/4 finalda çinli Çuyinq Tanqı 3:0 hesabı ilə məğlub edib. Yarımfinalda Danielle Suzanneyə uduzan (0:11) idmançımız sabah gümüş medal uğrunda yarışacaq.
Digər güləşçimiz Elis Manolova təsnifat mərhələsində italiyalı rəqibinə uduzub -1:3.
Mübarizəyə 1/8 finaldan başlayan Səbirə Əliyeva isə ilk görüşündəcə türkiyəli Yasemin Adar uduzub - 0:10. Adar finala qədər irəlilədiyindən Səbirə təsəlliverici görüşdə bürünc medal qazanmaq şansı əldə edib.