"Qarabağ"a texniki məğlubiyyət verildi, 8 min manat cərimə olundu
Bu gün AFFA İntizam Komitəsinin iclası baş tutub.
Faktor.az PFL-in saytına istinadən xəbər verir ki, Topaz Premyer Liqasının VIII turunun "Qarabağ" - "Səbail" matçında Ağdam klubunun heyətində protokolda adı qeyd olunmayan futbolçu iştirak edib. Bu səbəbdən "Qarabağ"a 0:3 hesablı texniki məğlubiyyət verilib, klub 8000 manat cərimə olunub.
"Qarabağ" - "Səbail" matçı 1:0 hesabı ilə başa çatmışdı. Həmin qarşılaşmada Rəşad Sadıqovun əvəzinə adı protokolda olmayan Abbas Hüseynov meydana daxil olmuşdu.
Qeyd edək ki, bu qərardan sonra xallarının sayını 13-ə çatdıran "Səbail" turnir cədvəlində 3-cü pilləyə yüksəlib. "Qarabağ"ın ehtiyatından isə 3 xal silinib. Komanda hazırda 16 xalla 2-ci sıradadır.
