Əliyar Ağayev “Bayer”in oyununa təyinat aldı
Azərbaycanlı FİFA referisi Əliyar Ağayev növbəti təyinatını alıb.
Faktor.az AFFA-nın rəsmi saytına istinadən xəbər verir ki, gənc hakim Avropa Liqasının qrup mərhələsində oyun idarə edəcək.
Belə ki, Ağayev oktyabrın 25-də A qrupu çərçivəsində baş tutacaq “Sürix” (İsveçrə) – “Bayer ” (Almaniya) qarşılaşmasında ədalət təmsilçisi olacaq. Ona Zeynal Zeynalov və Rza Məmmədov kömək edəcək. Dördüncü hakim funksiyasını Mübariz Haşımov yerinə yetirəcək.
Əlavə köməkçi hakimlər isə Rəhim Həsənov və Orxan Məmmədov olacaq.
