"Neftçi"nin futbolçusu millidə qol vurdu - VİDEO
"Neftçi"nin futbolçusu Soni Mustivar Haiti millisinin heyətində növbəti qolunu vurub.
Faktor.az klubun rəsmi saytına istinadən xəbər verir ki, 28 yaşlı yarımmüdafiəçi CONCACAF Millətlər Liqasında Sent-Lusia ilə səfər oyununun 13-cü dəqiqəsində hesabı açıb.
Bu, Mustivarin Haiti yığmasının heyətində 2-ci qolu (13 oyuna) olub. Mustivar 90+1-ci dəqiqədə əvəzlənib. Qarşılaşma Haitinin 2:1 hesablı qələbəsi ilə yekunlaşıb.
Qeyd edək ki, Haiti millisində çıxış edən "Qarabağ"ın yarımmüdafiəçisi Donald Gerye zədə səbəbindən yığmaya dəvət almayıb.