Arda Turan Berkayın getdiyi xəstəxanada atəş açıb - FOTO

51 dəfə oxunub
Arda Turan Berkayın getdiyi xəstəxanada atəş açıb - FOTO

Ötən gün müğənni Berkayla dava edən futbolçu Arda Turan polisə ifadə verib.

Oxu.Az xəbər verir ki, üç saat çəkən ifadə zamanı Arda Turan bir çox məqamları açıqlayıb:

“Mən kluba gedəndə Burak Yılmaz orada idi. Birlikdə oturmuşduq, daha sonra Berkay yanımıza gəldi. Mənim çiynimdən və yaxamdan tutub özünə çəkdi. Mən də əsəbiləşdim və onu vurdum.

Berkayın həyat yoldaşını tanımıram, onunla hər hansı bir söhbətim olmayıb. Deyir ki, onun arxasınca tualetə tərəf getmişəm və ona toxunmuşam. Bu, doğru deyil, mən elə bir şey etməmişəm. Görüntülərdə də tualetə tərəf getmədiyim görünür.

Berkayın getdiyi xəstəxananı öyrəndim və irəli sürülən iddianın gerçək olmadığını demək üçün oraya getdim. Yanına gedəndə “Mən buradayam, əgər sənin arvadına söz atdığımı düşünürsənsə, silah buradadır, məni vura bilərsən, səndən polisə şikayət etməyəcəyəm” dedim və tapançanı yanına qoydum.
Bundan sonra Berkay mənə “Kapitan, mən səni sevirəm, problem yoxdur, inanıram” dedi. Mən isə xəstəxanadan ayrılmaq istəyəndə tapançanı əlimə götürdüm və səhvən atəş açıldı”, - deyə Arda bildirib.

Turan polis tərəfindən müsadirə edilən tapançasının sənədi olduğunu söyləyib.

Bundan sonra Berkayın vəkili hadisənin mətbuatda yazılan tərəfinin düzgün olduğunu, özlərinin lazımi tədbirlər gördüyünü deyib.

Bildirilir ki, xəstəxanada atəş açılan zaman müğənni Murat Dalkılıç da Arda və Berkayın yanında olub.



Redaktorun seçimi