Serxio Ramosdan ÇL-də yeni antirekord
İspaniyanın “Real” (Madrid) klubunun müdafiəçisi Serxio Ramos UEFA Çempionlar Liqasında antirekorda imza atıb.
Faktor.az xəbər verir ki, komandasının 3:0 hesablı qələbəyə sevindiyi oyunda ispaniyalı futbolçu sari vərəqə alıb. Bu, onun ÇL-də 37-ci sarı vərəqəsi olub.
Ramos bununla qitənin ən nüfuzlu klub turnirində rekord müəyyənləşdirib. Buna qədər rekord “Mançester Yunayted”in sabiq futbolçusu Pol Skoulza məxsus idi - 36 sarı vərəqə.
Ramos La Liqa və İspaniya yığmasının tarixində də ən çox sarı vərəqə almış futbolçudur. O, La Liqada 162 dəfə oxşar aqibətlə üzləşib.
