Ruslardan Azərbaycana növbəti hörmətsizlik - FOTO
Ramil Şeydayevin Rusiyanın “Krılya Sovetov” klubu ilə bir illik müqavilə bağladığını xəbər vermişdik.
Faktor.az xəbər verir ki, Rusiya Premyer Liqasının rəsmi saytı Şeydayevi bu ölkənin vətəndaşı kimi təqdim edib. Halbuki, Ramil artıq uzun zamandır Azərbaycan millisinə dəvət alır və yığma komandanın heyətində bir neçə oyun da keçirib. Ruslar isə görünür, həmişə olduğu kimi, Azərbaycanla bağlı məsələdə yenə dəqiqləşdirmə aparmağa ehtiyac görməyiblər və ya bu, şimal qonşumuzun bizə növbəti dəfə yuxarıdan aşağı baxmasıdır. Bunun başqa izahı yoxdur.
Məsələ burasındadır ki, “Krılya Sovetov”un rəsmi saytında yerləşdirilən heyətdə Şeydayev Azərbaycan vətəndaşı kimi göstərilib və onun adının qarşısında ölkəmizin bayrağı var.
Şeydayevi Azərbaycan millisinə dəvət edən AFFA təcili bu səhvi düzəltmələri üçün Rusiya Premyer Liqasının rəsmilərinə xəbərdarlıq etməlidir.
