Useyn Bolt Avstraliya klubunda yoxlanışda
Yamaykalı atlet, 8 qat Olimpiya çempionu Useyn Bolt futbolçu karyerasına Avstraliya çempionatında başlaya bilər.
Faktor.az “Daily Telegraph”a istinadən xəbər verir ki, o, Avstraliyanın birinci dəstəsində çıxış edən “Sentral Kost Mariners”də 6 həftə davam edəcək yoxlanışdan keçəcək.
31 yaşlı idmançı özünü yaxşı tərəfdən göstərəcəyi təqdirdə, onunla 1 illik müqavilə imzalanacaq.
Bolt daha öncə Dortmund “Borussiya”sı və “Stremsqodset” ilə məşqlərə çıxmışdı. O, hətta Norveç klubunun heyətində bir yoldaşlıq matçında iştirak edib.
