DÇ-2018: Bürünc medallar Belçikanın oldu - YENİLƏNİB - VİDEO
Bu gün Rusiyada keçirilən dünya çempionatında daha bir oyun keçirilib.
Faktor.az xəbər verir ki, 3-cü yer uğrunda qarşılaşma baş tutub.
Sankt-Peterburqda keçirilən görüşdə Belçika ilə İngiltərə üz-üzə gəlib. Bürünc medal uğrunda mübarizədə belçikalılar qələbə qazanıb. Roberto Martinesin yetirmələri hər hissədə bir top vuraraq 3-cü yerin sahibi olub.
Beləliklə, heyəti ulduzlardan təşkil olunmasına baxmayaraq, yarımfinalda Fransa səddinə ilişən Belçika 3-cülüklə təsəlli tapıb. Gənc oyunçulardan qurulan ingilislər isə Xorvatiyanın ardından Belçikaya da uduzub və Qaret Sautqeytin komandası çempionatı medalsız başa vurub.
DÇ-2018
3-cü yer uğrunda oyun
14 iyul
Belçika – İngiltərə - 2:0
Qol: Mönye, 4; Eden Azar, 82
Baş hakim: Alireza Faqani (İran)
Sankt-Peterburq. Şəhər stadionu
