“Bunlar sirr qalsa, yaxşı olar” - Ruslan Abışov

31 dəfə oxunub
“Bunlar sirr qalsa, yaxşı olar” - Ruslan Abışov

“İlk oyunöncəsi həyəcan var. Yeni məşqçi, yeni futbolçular. Azarkeşlər bizdən daha yaxşı oyun gözləyirlər. Hazırlıq prosesimiz yaxşı keçib. Zədəli futbolçular yoxdu. İlk matçda yaxşı nəticə qazanmağa çalışacağıq”.

Faktor.az xəbər verir ki, bunu “Neftçi”nin kapitanı Ruslan Abışov deyib.

Paytaxt təmsilçisi Avropa Liqasının I təsnifat mərhələsi çərçivəsində sabah “Uypeşt”i qəbul edəcək. Qarşılaşma öncəsi təşkil edilən mətbuat konfransında Abışov jurnalistlərin suallarını cavablandırıb.

- “Neftçi”nin 4-3-3 sisteminə üstünlük verməsi barədə nə düşünürsüz?

- Sxem formal bir şeydi. Əsas komanda halında müdafiə olunmağı və hücuma çıxmağı bacarmaqdı. Bu halda heç bir problem olmayacaq.

- Rəqibi incələdikdən sonra nə qərara gəlmisiz?

- Müəyyən təhlillər aparmışıq. Ancaq bunlar sirr qalsa, daha yaxşı olar. Çünki məlumatlar Macarıstan mətbuatında da dərc olunacaq.

- “Sevilya” ilə oynamaq ehtimalı motivasiya baxımından sizə necə təsir edir?

- Əsas sabahkı oyunda komanda kimi özümüzü yaxşı formada göstərməkdi. “Sevilya”ya qarşı oynamaq isə hər bir futbolçu üçün böyük hadisə olar.

- Sabahkı matçla bağlı proqnozunuz nədi? Standart vəziyyətdən fərqlənməyi sevirsiniz. Sabah belə bir şey ola bilərmi?

- Evdə yaxşı nəticə qazanmaq istəyirik – sadəcə, bunu deyə bilərəm. Standart vəziyyətlərə gəlincə, həm elə fərqlənsəm, həm də qələbə qazansaq, bu, mənim üçün ikiqat bayram olar.


loading...
loading...

Redaktorun seçimi