İspaniya, Portuqaliya və Uruqvaydan vacib qələbə - YENİLƏNİB
Rusiyada keçirilən DÇ-2018 davam edir.
Faktor.az xəbər verir ki, bu gün daha 3 qarşılaşma oynanılıb.
A qrupunda II turun ikinci oyunu keçirilib. Uruqvay yığması Misirdən sonra Səudiyyə Ərəbistanını da 1 qolla üstələyib. Bununla həm Uruqvay, həm də Rusiya 1/8 finala vəsiqəni rəsmiləşdirib. Səudiyyə Ərəbistanı ilə Misir üçün isə mundial qrup mərhələsindən sonra başa çatacaq.
Günün ilk matçında B qrupunda Portuqaliya ilə Mərakeş üz-üzə gəlib. Mundiala qonşusu İspaniya ilə oyunla start verən pirineylilər qollu bərabərliyin ardından Mərakeş üzərində minimalhesablı qələbə qazanıb. Bu məğlubiyyətlə Mərakeş növbəti mərhələ şansını itirib.
Qrupun ikinci oyunu günün son matçı olub. İspaniya İranla qarşılaşıb. Mundialdakı ilk görüşündən sadəcə 2 gün öncə baş məşqçi dəyişikliyi edən “matadorlar” Portuqaliya ilə bərabərə qalmışdı. İranla matçda isə qələbə qazanan komanda 1/8 finalın qapısını aralayıb.
DÇ-2018
Qrup mərhələsi
II tur
20 iyun
B qrupu
İran – İspaniya - 0:1
Qol: Dieqo Kosta, 54
Baş hakim: Andres Kunya (Uruqvay)
Kazan. “Kazan Arena"
Portuqaliya – Mərakeş - 1:0
Qol: Kriştianu Ronaldo, 4
Baş hakim: Mark Giger (ABŞ)
Moskva. “Lujniki stadionu”
A qrupu
Uruqvay – Səudiyyə Ərəbistanı - 1:0
Qol: Luis Suares, 23
Baş hakim: Kleman Turpen (Fransa)
Rostov. “Rostov Arena”
