“Qarabağ”ın hər iki matçının tarixi açıqlandı
Çempionlar Liqasının I təsnifat mərhələsi çərçivəsində “Qarabağ”la “Olimpiya” arasında keçiriləcək hər iki oyunun tarixi müəyyənləşib.
Faktor.az “Olimpiya”nın rəsmi saytına istinadən xəbər verir ki, ilk qarşılaşma iyulun 11-də baş tutacaq.
Həmin gün “Qarabağ” Lyublyanada Sloveniya çempionunun qonağı olacaq. Görüş yerli vaxtla 20:00-da (Bakı vaxtı ilə 22:00) start götürəcək.
Qeyd edək ki, komandalar arasında cavab görüşü isə iyulun 18-də Bakıda oynanılacaq.
