İnyestanın "Barselona"da son kubok oyunu və gözyaşları
Mövsümün sonunda “Barselona”dan ayrılacağı dəqiqləşən Andres İnyesta Kataloniya klubunda sonuncu kubok oyununu keçirib.
Faktor.az xarici mətbuata istinadən xəbər verir ki, İspaniya Kral Kubokunun “Sevilya” ilə final matçında (5:0) komandasının 4-cü qoluna imza atan kapitan 88-ci dəqiqədə əvəzlənib. Görüşün keçirildiyi “Vanda Metropolitano” stadionuna toplaşan 10 minlərlə azarkeşin alqışları ilə meydanı tərk edən 33 yaşlı yarımmüdafiəçi göz yaşlarını saxlaya bilməyib.
Qeyd edək ki, İnyesta mövsümün sonunda Çinin “Tyançzin Çyuançzyan” klubuna keçəcək.
