Qurban Qurbanovun bahalı avtomobili ilə bağlı – AÇIQLAMA - FOTOLAR
“Qarabağ” futbol klubunun mətbuat katibinin rəhbəri Nurlan İbrahimov “ağdamlılar”ın və Azərbaycan millisinin baş məşqçisi Qurban Qurbanovun avtomobili ilə bağlı yayılmış xəbərlərə münasibət bildirib.
N.İbrahimov Oxu.Az-a açıqlamasında bildirib ki, məsələ ilə bağlı dəqiq məlumatı yoxdur.
Onun sözlərinə görə, Q. Qurbanovun avtomobil dəyişməsi onun şəxsi həyatına aiddir:
“Bu, “Qarabağ” futbol klubunun fəaliyyəti ilə bağlı məsələ olmadığından həmin məlumatları şərh edə, şəxsi məsələ ilə bağlı heç bir söz deyə bilmərəm”.
Qeyd edək ki, bu gün bir sıra KİV-də Azərbaycan millisi və “Qarabağ”ın baş məşqçisi Qurban Qurbanovun avtomobilini yeniləməsinə dair məlumatlar yayılıb. Bildirilir ki, bir müddət əvvəl “Mercedes” markalı avtomobilə üstünlük verən təcrübəli çalışdırıcı onu “Ranger Rover”lə əvəzləyib.
